12月28 聖誕就咁過左

其實12月對之前香港既我來講真係好開心
BONUS又有放假又有同班朋友小小地慶祝又有
好掛住香港既日子呀
不過又唔可以話自己唔開心
雖然掛住阿媽亦都知阿媽好悶同掛住我
但同個傻佬平平安安咁渡過都唔錯丫
雖然唔會有任何驚喜
但佢唔會想你唔開心咁過
係咁問我想做咩咁
因為自己都唔知想去邊
唯有做返平時自己做既睇下戲周圍行下咁
唔可以話韓國無聖誕氣氛
只係身邊少左一大堆朋友同你BBQ下交換禮物下
所以氣氛由自己身上面消失左D

不過算啦
臨急臨忙都可以即日買到STAR WARS 7既飛
雖然無睇之前個幾集
仲要係呢兩日入面就睇返2 3 集
根住就去左好多人既清溪川
因為燈飾多到似尖咀關係所以都好多人
不過多極都的確唔夠香港多
如果係香港我應該要行三四個鐘先走到
根住再行返去市廳附近
個度因為冬天開左個溜冰場
韓國真係地大做咩都得
跟住最攪笑見到有架車仔俾小朋友玩既海盜船
真係好攪笑
點解可以有架流動海盜船架？

12月18 其實都真係幾凍

呢排香港終於轉涼
韓國呢幾日都開始零下幾度
之前來韓國玩最多只係去到零下一度
零下四五度真係呢幾日先感受到
有風同夜晚個陣真係好鬼凍
真係唔想出街

突然諗起爺爺講既野
細個個陣自己係香港鼻敏感都好嚴重
一起身打乞嚏 聞到煙味打乞嚏
一轉天氣變凍都會係咁打乞嚏
所以我阿爺曾經同我講
你成日打乞嚏不如你帶個MASK啦
飛虎隊個D呀
咁個鼻咪舒服D囉
呢D說話就係得阿爺講得出
因為佢都唔想我打乞嚏係因為佢食煙


不過自己至從做左幾年天灸
除非真係病都真係少左打乞嚏

同埋自己來左韓國之後
可能空氣好D
唔會周街聞到煙味
個鼻少左受罪舒服左好多
不過之前返到香港又不停打乞嚏
應該係周圍都聞到煙味既關係

但我而家都好想帶個MASK包住自己塊面同耳仔

俾D風吹住真係好凍呀~~~~

12月12 算~

當以為有點希望之時卻帶來更加大的失望
不太順利吧
太多利益衝突就會想要更多的利益
話呢間又做唔到
加運費再加local 運費又做唔到
我suggest 既你地又無去做
淨係識俾問題我要我去搵最低價
妖
你地直接搵supplier 啦
Diu

12月10 閒遊韓國

就由今篇開始開返個閒遊韓國
同我心諗既分開下
尋日去左仁寺洞再上北村再落三清洞
其實仁寺洞都去左好多次
最鍾意既都係佢地 차집
即係飲下茶吹下水
我最愛既都係飲佢地既紅棗茶
女人補丫嘛
但尋日就無入去了

好快閒逛完

就上左去北村韓屋兜個彎

因為我地目標係三清洞

不過尋日可能落雨同時間已經有點兒晏

所以人唔多

但香港人竟佔大多數

點解我會知

HEY唔好以為大陸人先會大聲講野

香港人都會囉

我仲聽到個妹妹仔同佢個FRD講到DIU DIU聲

HEY GIRL DON'T SPEAK TOO LOUD 好唔好

雖然係韓國D人係聽唔明。。

但依然有香港人聽到囉

好彩無人問講咩姐

如果唔係都唔知點解釋

同埋呀

韓屋仲有人住架

麻煩你地請將音量收細吧

唔好大聲叫朋友企係度拎過來咁啦

好 行完北村落三清洞

感覺自己好似去左江源道咁清靜

好似特別既建築物係有D

不過又未止於。。。好特別囉

跟住男友都話點解同BLOG睇咁大分別

究竟我地有無去錯地方呀。。

不過算啦。。

食完勁辣既好味泰式炒河粉後就行去首爾站了

不過得著唔係無

如果自稱有藝術品味既人

係三清洞行去光化門個陣

沿途都有好多GALLERY SHOP都唔錯

仲有藝術館係附近

真係唔好錯過呢。。

好了。。相只有一張。

因太夜了。。又大霧影出來都無美感就放棄

我都真係無乜能力做BLOGGER了。。WAHAHAHA

12月11 要執到完美嘛？

其實同我做過野既朋友都知我份真係唔多識執野
會見到我張台好亂
我間房好亂
就算我個BLOG都鬼亂FB d 相都亂咁擺
有諗過改
但改完都係亂
有諗過重新整理
但太多所以都係唔執
OH其實純粹都係因為自己太懶

話說我男友都係一個好整齊既人
所以佢老豆都係咁既人
我懷疑因為處女座既底蘊
所有野都要我整整齊齊
廁所都要抹到令一令
天呀
我有抹就已經盡左力
我覺得乾淨咪得囉
點解要將我變成士兵仔咁喎
我又記得了。。
佢老豆當過兵。。
我覺得仲辛苦過返工

返左來都11日
我開始唔明
點解可以唔做野
無所事事真係好悶
幫人買下野都好難用盡D時間
我都係鍾意做PAPER WORK
有無可以WORK AT HOME既工作
或者你快D俾我做VISA 等我搵野做啦

12月7 人多果然好辦事

今日同之前一齊上堂既妹妹仔一齊行街
聽佢講近來做代購做得不錯
買的人多..
因為國內買化妝品就有點貴 人也很多
所以就算以一個正價賣也有人買
香港就不能了
他們要平平平平
就算是朋友也要將那個稅項減掉了
是平的才買
其實過了三個月的話退稅也退不了的
退稅也有限期呀。。
只是想有沒有蝕。。
最蝕應該是我了。。
本身已經沒有收入了。。
還要這樣跟你算。。。。。。。。
好累呀。。

還是跟你算吧..

呢首都好好聽

12月7 有人共鳴

但願這首簡樸情歌搵到個人同你有共鳴
對呀～
只不過想找一個人同你有共鳴
堅持一份傻勁
我都覺得自己呢份傻勁power up 左
每次Interview 時韓文都進步了
我的interview 就是跟他爸媽說話
說完總是精神疲倦
但香港返來後Power up 了
見步行步就這樣衝了
我的吹水傻勁也power up 了
就如朋友所說的我 打了level 99 的大佬
令他們有笑容被放鬆放下戒心
我的傻勁還可以吧

有點感動的歌
要求真的很簡單

廣東歌其實都未差到被人批評一文不值吧

你聽完唔係無共鳴嘛?

12月1日 凍呀。。凍到幾時呀?

返左來韓國兩三日,凍到有D傻左
得個兩三度，夜晚都係得0度
出到街 點解呢度D人都唔洗帶頸巾架？
攪到我好似D老人咁..帶頸巾都俾人望住
不過真係好凍。。。唔理得咁多
保護條頸最重要

另外今次返來既目的就係希望可以搵到D外快
希望今次真係有D發展..如果唔係就繼續食穀種啦...

尋晚係屋企睇左少少＜回答吧1998＞呢套電視劇
一開始就係講班主角睇我地既香港電影<英雄本色>
其實我自己好似無睇過因為個陣應該得8,9 歲度
有可能睇左都唔記得...
究竟當時香港電影有幾犀利呢？
我男朋友都話個陣周潤發同張國榮同王祖賢真係好正
到而家香港已經無咩電影好睇了
對了。。近來自己睇左咩香港電影呢?

其實呢排都好多講返以前既電影（我覺得）
好似呢套＜請回答1998 ＞再之前既1994 1997 咁
台灣既<我的少女時代>同<那些年>咁..
雖然香港都有<十月初五的月光>既電影。。
但應該已經唔係個種感覺啦
咁唯有睇其他電影來滿足我地啦..
有點兒可惜呢
自己最鍾意睇<賭神><賭俠><賭聖>同埋周星馳D電影咁
可能人大左連睇戲既要求都改變了
所以近排既電影都唔多覺好睇了

其實返香港個陣真係好想睇我的少女時代架
但真係無時間好可惜呀.....

11月12 考完試準備返香港吧

考完試
可以準備返香港了
呢幾日心情跌到谷底了
但可以見返成日支持我既朋友
真係好開心
呢幾日反覆既心情
已經打動了我的堅持

就算自己幾想結婚都好
無能力就始終做唔到
預計多一點時間吧
應該會有重新的我出現

今日考完試天氣真好
年紀大應該更要學識放低
冬天有呢d顏色先好睇
🍂🍁🍂🍁

11月11日 識話人唔識話自己😐

而家我真係好明白識話人唔識話自己既道理
所以其實我完全地話人之前我真係會諗自己係咪都係咁既人
有人話韓國人鍾意將好細件事誇大
個個人真係將我既問題發到好大
唉
將個誤會越講越深
天呀
我覺得真係好難受
同朋友講完佢都覺得我委屈
真係可以見步行步嘛？
似乎我幾strong 都好
我諗都要淪落到做一個軟弱既壞人
今鋪就咁俾隔離個人冼左一大鑊
今日聽日都考試
真係咩心情都無
真係多謝我身邊個個
不過都好奇佢點解到而家仲可以生存到
俾著我應該走到遠遠遠遠的
我的堅持還能堅持嗎?

10月21 要除臭了

尋日恐怖經歷之後
返學個陣唔記得帶功課
返學個陣有隻迷你蟲入左眼
丫………
點解會咁架?
不過返到屋企d野仲用到就算吧～

過到來呢度自己都好用心煮餸的~
之前講過既拜託冰箱
今集都係幾好笑
佢地講既評論唔會話好味咁簡單
好多形容詞令人覺得唔簡單
http://www.maplestage.com/episode/122597/%E6%8B%9C%E8%A8%97%E5%86%B0%E7%AE%B1+20151019+ep+49/

今集既無限挑戰講低b計劃
有個個樣正正經經四四正正
但做野低低能能
竟然跳minions既舞
點解可以背到架?🙈🙈🙈

http://www.maplestage.com/episode/122344/%E7%84%A1%E9%99%90%E6%8C%91%E6%88%B0+20151017+ep+450+2015%E7%84%A1%E9%99%90%E6%8C%91%E6%88%B0%E7%89%B9%E5%88%A5%E4%BC%81%E5%8A%83%E6%88%B0/

10月20 發生的神智不清事

自己係一個大意人
身邊好朋友個個都知
成日唔見野係小菜一碟
但今朝發生樣自己都驚既事情
平時一起身就會將電水壺啪制煲水
但今日我竟然將佢
放落電磁爐…仲要開爐就去刷牙
其實刷牙個陣自己已經諗緊有啪制
個陣我就應該要出去睇呀😢
跟住唔洗估
出去個陣已經出煙
即拎起水壺就著火
好彩洗手盤係隔離
淋左兩三次水就熄左
唔好問有無影殘骸
我都唔明點解會有人影到殘骸
因為我不停將周圍既野又洗又刷
而家感覺周身都係燒膠味
唉
我有諗係咪隻敏感藥攪到我神智不清
不過係神智不清就神智不清
無得懶
我真係需要部淨化器呢～

10月9 勁失落

呢兩日考試
發現自己有點兒力不從心
唔知點解總係記唔到d文法又唔會識得點運用
成績出來時~雖然不至於差到頂點但比預期都係差~
不過考完個刻都知大約去到邊係~無期望無失望
但心情的確很差~會覺得點解自己做唔到~點解記唔到~之後都想有人安慰自己
跟老師們傾計都會講~
始終都唔係自己國家既語言唔需要咁介懷~
但自己身邊個位敷衍幾句~第日仲要問我係香港唔係學過咩？
Diu ~ 又開始一個發脾氣之旅
唉～勁唔開心~想返屋企~簡直厭惡

9月30 中秋又如何…

中秋節係韓國最大既節日
所以好多韓國人都好忙
好彩我都係同朋友行下山食下野吹下水咁

不過男友家姐就係瑞士返左來
所以都要做下陪襯品
呢度去個度等下咁
其實下星期就要考試
所以我都唔會有咁多應酬啦
不過我都唔需要咁做丫🙊

唉～有時只係好少野
就會好容易影響自己情緒
但有時我都希望取得公平
我會尊敬男友父母所以中秋無做任何野都會講句happy 中秋
所以我都希望我男友都有心向我媽咪講返句祝賀說話
條友除左過左幾日問我無講任何野有無問題
就已經知佢份人有無心啦
頭先傾完一陣加上period 痛真係令人火都來~
之後d人又話好攰就瞓左!

不如返香港痴住阿媽好過啦…

9月26 太耐無update 吧?

近排其實因為返學學d grammar 學到傻~
Blog 都無心機upload ~
一個文法又分present , past , future tense
天呀～應該一齊學咁就可以容易分~
成日覺得自己學緊差唔多既野~唔知發生d咩事咁😅

上星期一日睇左兩個唔同既遊行同舞動會~
其實都幾開心下~
係香港睇呢d實會迫爆~
可能因為韓國實在太多呢d活動~行去附近就已經有~
所以d人唔會特登去呢d地方欣賞~
個遊行係韓日文化交流~
我最欣賞係拎大旗個男士~佢又夠高又大隻~支旗又成層樓咁高~
望見佢都已經知道有幾辛苦~就算唔太熱都好都流晒大汗呢～
不過佢見到咁多人都睇得咁開心都願意揮多幾下~

睇完呢個夜晚就去弘大附近食飯~

因為食飯既地方靠近陽花大橋所以又走左去行橋

係香港除左細個因為塞車成日走去行青衣北橋之外就一定唔會行大橋~

因為根本唔方便

來到呢度行大橋原來都唔係一件好奇怪既事

當你上左橋踩單車既踩單車係度散步既人又有~

其實個闊度夠兩個肥人行~所以間中就要讓單車過~

忽發奇想~呢度會唔會有人自殺架呢~

咁容易上到橋不~不過咁多人經過一見你想跳就應該會阻止吧😅

行完又到左另一個既漢江公園

因為我聽到音樂聲

所以又拉人去八卦下

原來有幾個人係度玩樂器

其他人就圍住佢地係咁跳

跟住突然就聽到啪啪聲

原來又有煙花睇

睇完d人又繼續跳~人

但就去左另一個更大既地方

你真係唔會諗到個公園會變左Rave Party 

有d人係草地自己範圍內已經hyper 左

呢班仲要係阿豬媽阿左絲

當d音樂變成disco music 後

佢地仲跳得更加Hyper ~

我睇完真係覺得好驚歎

自己就算幾鍾意聽歌幾鍾意去學跳jazz都好

都跳唔到佢地咁hyper 

我份人太冷淡了吧😐

                             

9月16 秋天好舒服

我諗~我想…………-->係我地中文入面算係一種文法嗎?
韓文真係好多Grammar Grammar 入面人同物又要分唔同講野即係加個字就變成係介紹人介紹野咁~
有d Grammar 可以包括唔同意思~
連老師都話太多解釋所以暫時唔明都唔緊要~
只因為韓國人既說話方法所以一定要學~😒😒😒
上次去左一個畫家既展覽~從佢既書記畫作咁~
其實都有一半字係繁體文~
都由中文轉化成韓文~點解文法就唔可以簡單d 呢😣😣
近排秋天festival 開始👍睇電視話天空離我地遠d睇到擴闊既天空就係秋天既來臨~
呢排又真係秋高氣爽瞓覺都想瞓長時間~
因為又涼又舒服~如果隔離唔係起緊樓既話…附近唔係咁多車經過既過~
我應該瞓到不知時日過~
尋日食飽去散步~我地又去左漢江了~
都話係festival 既季節~所以一去到就見到班阿豬媽阿左si 坐晒係度睇演唱會~
係香港既話我嫲嫲一定好鍾意~有老歌~阿豬媽阿左si
聽得慶起又會起身跳舞~真係好開心架~但…我就悶左係度……🙈
睇時期應該就係李龍基徐小鳳杜麗莎既年代~個個都係唱得之人~但我就………
如果bigbang 來就好了…
韓國人真係有時都幾細心~驚大家pat pat 太攰就準備左張墊俾大家…
大家繼續Festival 吧～

9月8 上課了

Hea 爆生活已經過左~
尋日開始返學~
上一次既同學走既走轉左上晝都有~
只有一個同學同我同班~好過無既~
所以都要重新適應d新同學~
但都係中國同學比較多~
但亦都有墨西哥,俄羅斯同加拿大還有不能少的越南同學仔~
之前睇排球已經覺得俄羅斯女仔好靚~
所以我既同學仔眼大大皮膚白面細細輪廓分明好鬼靚~如果有佢十個巴仙既靚就好了~
跟住加拿大既同學仔有藍眼晴雖然身形肥肥地~
但佢對眼靚到我望住佢都會俾佢電暈~🙈🙈🙈
不過佢竟然都同我一樣因為韓國男朋友而來到韓國學韓文~我覺得佢仲努力過我~
我學左三個月我諗要用靈格瘋了~
每次食親飯佢爸爸媽媽仲係叫我快d學好韓文
빨리빨리 ~ 聽到都驚
三個月除非真係瘋了先會學到晒佢地既grammar ~
 有present, past , future tense 不特止仲要有informal, formal 敬語平語~
真係當我天才咩～ 一個助語詞를 已經有唔同用法
今日佢爸爸生日講句生日快樂已經唔同左~
給我靈格瘋都瘋唔起啦🙈😣
不過今日因為佢爸爸生日就食得好豐富~
海帶湯唔少得之餘~食左個好鬼好味既桃
佢係黃肉~我懷疑佢同芒果混左種😍😍
好咪到想食多幾隻~唔知幾時可以再食到呢😋😋😋

睇完無限挑戰~又感動死人~

亦都因為咁而了解到少少既韓國歷史

http://www.maplestage.com/episode/118787/%E7%84%A1%E9%99%90%E6%8C%91%E6%88%B0+20150905+ep+444+%E9%80%81%E8%B2%A8%E7%9A%84%E7%84%A1%E6%8C%91(%E5%9B%9B)/

邊個話睇綜藝無用架~😒😒😒

我好想睇我的少女時代~

Hebe 首歌都好好聽~

希望返來唱k有得唱啦😆😆

https://www.youtube.com/watch?v=_sQSXwdtxlY

9月5 係咁食 做完運動又如何

今晚去左新大方食辣魷魚~

真係太辣同埋碟魷魚一來佢地已經拎左去撈飯~所以影唔到~

但d魷魚真係好好味~

魷魚好鬼彈牙咬個陣有種dongdong 既感覺~

咩叫dongdong 既感覺真係要食左先知我既感覺🙈🙈🙈

因為我詞窮唔識講😣😣

根住再食呢個海鮮餅~

大過我個頭之餘又厚過我既手指尾~

我食到除左魷魚之後有蠔仔有蝦米(我真係無諗過會有蝦米)青口啦洋蔥啦蘿蔔啦蔥啦同埋我唔鍾意食既韮菜~~

但因為唔食既話會俾人話所以忍住咁食~~

點知超好味😍😍😍~因為我食唔到有韮菜味呀😆😆😆

所以我一定要帶媽媽來呢度食~

等佢開心下~

表妹話我係queen of snacks 😆😆我認架~

所以我就介紹左最好味既雪條俾來既朋友食~

我真係好鍾意食d厚身既野~

⬇⬇呢支厚身既菠蘿雪條

比平時我地香港食既厚度兩倍🙈🙈

仲要中間夾住果肉~唔會得個甜字仲有菠蘿味~

所以話honey butter chips 都係因為有明星效應姐~

但呢支雪條真係好有實力架!!所以朋友食完都話好食~

士多啤梨都麻麻地~係菠蘿最好味👍👍

跟住仲有呢支double chocolate 雪條~⬇⬇

朋友都有食佢話最鍾意佢軟身既感覺~因為入面係軟心朱古力~

朱古力唔係奶味重而係純朱古力味~食完真係覺得我無推介錯架!!

咩必食macaron 雪糕pie ~ 不如食左呢兩支雪條先啦～都係幾蚊港幣一支咋😆😆😆

因為食得太多~所以又要急步行多兩個站~有人話不如聽朝早d起身行山減肥喎~

…………好攰呀😞😞

https://m.facebook.com/profile.php?id=1583483395263697

9月3 親愛的朋友們

去了兩日一日旅行後

就跟我親愛的朋友會面了~

放完暑假機票較平~

朋友就襯呢段時間來~有親愛的舊同事約零食帶給我~

有親愛的密友將涼茶乾糧帶給我~還將媽媽的愛心帶來我身邊~

親愛的密友也是看電影的鐵腳

不單止帶來食物的滿足

還帶來了娛樂給我~

你叫我怎樣報答呢?

這些細微事可能親愛的家人們也未必會想得到~

但你竟然會想‘如果我自己一個人係外地會需要什麼呢?’然後就買了這小米盒給我~~

點算好?

自己也沒有什麼能力給你最好~

點算好?

我這個人前世一定做了很多好事~

所以先得到咁多人既關愛😭😭

朋友~你讓我真想哭了~~

頭先先睇完無限挑戰最新既送貨系列~

即係幫人送貨去外地

http://maplestage.com/episode/118202/無限挑戰+20150829+ep+443+送貨的無挑(三)/

這也太窩心的專輯了

由開始睇喊到完~

點解咁感動就真係要睇過先知~

睇完我呢d只係來左幾個月既都係小兒科

應該要俾其他人更堅強吧~🙈🙈

https://m.facebook.com/profile.php?id=1583483395263697

8月28 新沙洞又逛又食~

去了新沙洞行~

之前都去過就因為要去Line Shop~

其實我想去狎歐亭慢慢行~但有人誤會了~

不過都去左狎歐亭既Hyundai Department Store 既supermarket 買醬料預備聽日既camp bbq ~

好好笑~李錦記既中式醬料的確令鍾意中華料理既韓國人著迷~

佢朋友想買辣豆瓣醬來bbq ~

我就一D 興趣都無~平時食魚旦河清湯底連醋都唔會加~

就已經覺得好好味~何況豆瓣醬~~

所以當佢地想用豆瓣醬來bbq 我就話香港唔會咁用啦～

不過都suggest 佢地買~但似乎佢地唔想浪費都係淨係買bbq 醬~唉～

都唔想佢地錯過~不過其實豆瓣醬樓下超市都有得買啦～點解要去咁遠喎~

跟住我地就由狎鷗亭行去新沙洞~

都好近下~狎鷗亭最多就整容中心我都想入去攪攪個body ~ 🙊🙊🙊🙊🙊

到左新沙當然要行下我最愛既Line shop ~

因為我知出左得意既雪糕~唔去對唔住自己~

真係好得意~雖然比較貴~算~

影下相食下都開心外啦～

準備離開個陣行巷仔點知見到呢期話連徐子淇都訂既LADY M 千層crepe ~~食落…………

唔岩我口味啦～唔怪得我做唔到闊太

Cream 普通啦～係~我知主角係Crepe ………都真係幾薄既~

但我都係想食返葵涌廣場既火腿芝士Crepe la 🙈🙈🙈果然係平民 ~wahahha

下次都會再去既~因為我覺得係因為自己揀既味唔好食~ next time 綠茶 或者朱古力試下先~

好想返工~搵錢自己洗開心d 架~~

https://m.facebook.com/profile.php?id=1583483395263697

8月26 係咁食

我一直以為韓國麥當勞係無薯餅

因為之前都試過早去~

不過可能係以香港既11點前係早餐既諗法

我係十點幾去的😅😅

當時淨係見到set 全部都係薯條而且價錢係比平時平少少

所以就以為無薯餅

今次早了十點已到~咦~

原來有早晨全餐~

平時我太遲起身吧?

我這個白痴真低能吧?

定係每間麥記都唔同?🙈🙈🙈

下次要早d去其他麥記先~

但其實都唔平~~

食個chicken cheese muffin set 港紙都要廿幾蚊~

Ok 其實同香港差唔多~👩👩 hahha

不過我鍾意香港薯餅多d呢度薯餅一咬係薯蓉款

香港薯餅一粒粒的

口感會好d同好味d~

Umm ~~ 我真係好鍾意食薯餅架!!

朱古力奶係度仲未搵到最好飲的~

試過一隻就太甜

呢隻就⬇⬇太cremy 奶口感太厚

我鐘意薄d朱古力味濃d的

我都係食返呢度既朱古力雪條好過🙈🙈

我係呢度食多過行

咁無聊唔食做咩喎👸👸👸

https://m.facebook.com/profile.php?id=1583483395263697

8月24 心中失去了一團火

將一個返開工既人
變成全職讀書又放暑假既人
變得無所事事
上網打下日記長時間update facebook
還沒有找到令自己更開心的事吧？
悶咪溫下書囉～
點知溫完仲悶~
其實有無選擇錯誤
有50%吧～我怕自己挨不了~

去左韓國time square
同香港有咩分別
咪無香港出面咁多人
入面都唔會全部買名牌野
Common 野多書店又有戲院又有
餐廳好多~所以係度消磨下時間都唔錯~

好彩下次既sem break 可以返香港
如果唔係又會浪費光陰😰😰

8月22日 怕失去了吧

表妹告訴我已跟拍拖三年的男朋分手了
她的決心也動搖了我的心
我也可以忍下心做決定嗎?
不是不愛只是怕失去了自己
做決定也要看兩方面吧?

11號腿繼續出動~
到了附近舍堂站的超市
幫朋友買了韓式飯盒
買點吃的就回家了

一直也很多疑問
韓國也太多餐廳吧?
男朋友就說香港更多吧
沒有啦~香港很多商店
香港大月各式各樣的商店
怪不得也不覺無聊
行下食下
食完再行下





















思念總會發生的吧~~

由盤浦漢江公園行到汝矣島漢江公園

我們兩人最利害的就是擁有11號~ 喜歡要雙腳遊走每個地方~
捨棄了巴士地鐵就只靠雙腿~ 可能因為咁所以先一齊~
難得有人跟你有相同興趣 要雙腿遊世界~可以放棄一切利益衝突嘛？

好了~ 其實漢江公園的確幾方便市民做運動~
踩單車跑步~一小時已遊走多個地方~
But 只是經過~因為也一直沿海走~
平時要用1小時坐巴士到的汝矣島 竟然用45分鐘就到~
當然中途沒有休息~只有我們倆傻人才會這樣走😅😅

如果跟朋友有心事聊又想行 這裡是不錯的地方 沿途還比另一邊走還好~
沒有太多的蚊滋平路也走得舒服~ 不過尾段可能海水有污染關係就應該要往上走了~
到了汝矣島公園 先經過68 Building


有睇無限挑戰就個朴明秀曾經抹窗既一棟大廈
可能要上到去先知有咩感覺 遠睇呢座building絕對岩晒喜歡土豪金既……遊客們

再行前少少 就見到兩座千秋 不怕死的我當然要玩一玩
係香港以我呢個歲數來講已經無機會可以再玩了~~ 所以絕不能錯過的玩意~

然後我地繼續行~ 行去ifc mall window shopping 這覺得充足了吧🙈🙈

D4 visa 已到手~

當電話出現你已三個月沒有打回家/打俾媽媽~~

原來來左韓國都已經三個幾月~
自己看似習慣~但其實有幾咁掛住香港~
而家因為放緊暑假~人都比較悶d~
所以想開返個blog 比自己打下字消磨下自己既時間~~

上星期留學visa 都已經處理好~
以為自己申講C3 點知語言學就有一個專門visa D4 ~
一申請就可以由8月3號至到16年1月31號留係韓國~
申請程序都比我想像中容易~可能係香港人

所以交33000 won 有學費收據証明來緊呢個幾月都要上堂再加passport 填form 即完成 ~
等兩星期後居留証即到手~
下次我會嘗試用呢張証申請某某化妝品vip ~

得閒拎多d優惠同sample 都好丫~🙈🙈🙈