好音樂總會挑動情緒

Misia 係我中學年代🤔🤔🤔其中一個最鍾意既歌手
個陣日本歌手樂隊熱潮Hit 到一個點之下
鍾意Aiko 椎名林檎 .....
又買碟又狂聽收音機
唔會好似而家咁聽KKbox apple music 咁鬼易

突然諗起Misia 係因為係FB 見到段片
一個女人飲完酒俾人拉去唱Misia 首「現在很想見你」
唱到高音準低音靚
有感情到聽唔明日文都打幾個冷震
所以突然重聽Misia
靜靜咁聽...聽到有種抽心既感覺
就Keep 住咁聽

呢個星期忙到一個點
將所有想講的心事發洩給一些不太熟識的人
越講越清醒但就可能會令人感到我這個人奇怪到一個點
抽身抽得太突然之下
又要再重新出發
是月老影響還是水晶終於面向了正確的位置呢？

是命運還是要註定這是我走的路呢？
熟識的感覺又再出現

不要再失眠

失眠情況突然嚴重了一點
滿腦子都諗緊有咩方法可以令自己釋懷
其實開心過咪算囉
點解男人總係唔可以坦坦白白
但其實自己都唔應該迫人答自己明知既答案
因為都已經唔係第一次

呢幾個月既bitter sweet
讓我感覺到自己無安全感既感覺好嚴重
其實當呢個感覺出現就應該要放手
唔好踩到咁深
明知自己既第六感比別人敏銳
但總係要令自己蠢蠢咁過


同朋友傾完計
當佢男朋友以為自己做到最好既時候
其實朋友需要既係剛開始既Care
一開頭會成日想見你
未到一年就可以以攰來做藉口
同同事聯誼會比起同你一齊更加開心
但其實只要見到15分鐘
就算要朋友由柴灣去到荃灣為左見你又有乜所謂
只係想等你講一句想見你

我諗起好耐之前有朋友講
其實最了解你最清楚明白自己需要既可能就係女人
而男人只係配合返女人既生理同心理既需要間中搵下就好

呢個諗法灰嗎？
會搵唔到一個care 自己 或者一個愛自己既人嘛？

但如果另一方面咁諗
係咪我地做唔到令男朋友仔更加愛自己呢？

太複雜
突然諗起愛人既歌詞
對不起 我不過為愛人
從未曾天真得相信永生
能共你一齊 即使毫無好處
起碼能回味那天臉被吻

其實自己又何嘗唔係不停回味那天臉被吻的Bitter sweet 丫？
今年就完 雖然影唔到sweet christmas photo
咁不如同最錫自己既朋友影多d
然後最尾一個月係要更加愛自己
更加要養生
千祈唔好再失眠
精神到一個點
但眼袋黑眼圈大到一個點

一次過拋晒自己想講既野
可惜佢唔明廣東話
真係好想同佢講
人在做天在看
做錯野會命都短幾年

if you love someone

話說有人話佢朋友都識左個26歲CHINESE GIRL 
但個女仔就話要日日見..日日都要痴住晒..
仲話佢地踢波成班人都唔會帶老婆同女朋友出席架喎
話法國既style 係就算大家住得好近幾日唔見都無所謂..
哦..
但如果你有困難CHINESE GIRL 幫你
你就會覺得CHINESE GIRL 係最好🤷🏼‍♀️
講真無分Chinese Girl 或者 French Style 
如果真係鍾意一個人愛一個人
當然無時無刻都想佢係自己身邊
如果真係鍾意一個人愛一個人
為左佢犧牲少少自我又何樂而不為呢？
所以無論Chinese Style French Style England Style
只要係鍾意都想無時無刻想痴住會掛住
當然如果我到左用French Style對待你既時候
你就會知道我其實並唔係太鍾意你
咁岩俾我聽到Danish Style 既Love Song 
If you love someone 
and you’re not afraid to lose ‘em
You probably never loved someone like i do

睇完呢段歌詞就有點抽心的認同

And you still look perfect as days go by
Even the worst ones, you make me smile
I'd stop the world if it gave us time

'Cause when you love someone
You open up your heart
When you love someone
You make room
If you love someone
And you're not afraid to lose 'em
You probably never loved someone like I do
You probably never loved someone like I do

All my life
I thought it'd be hard to find
The one, 'til I found you
And I find it bittersweet
'Cause you gave me something to lose

講將來

突然有人想我俾一份Proposal 佢
結婚後想要一個怎樣的生活

講將來

對自己來講總係遙遙不可觸及既一件事
每日係度變
每日都有唔同諗法
呢一刻有信心
下一刻信心已流失

講將來

對女人來講
應該係一d 甜美說話
令人加以幻想
將來如何同你過

講將來

其實唔應該諗得太深入
尤其你究竟係人地心目中佔了幾分之幾既時候

當自己長期懷疑這份心意既時候

應該相信直覺
定去相信時間呢？

囉囉攣既感覺令我覺得不夠真實
想輕描淡寫感覺
但又變得認真左

年紀大所以變得所有事情都不太相信？
還是跳出這感覺以第三身份細膩拆解呢段關係？

算吧⋯⋯
時間就會證明

回到熟識之地

還以為自己唔會短時間再去既韓國
又再次踏足呢個充滿回憶之地

因為今次為左班舊同事所以自己都睇左好多資料
Facebook, IG 不停Loop
想知道有無新景像
夏天又可以行下無咁熱
所以自己就加左幾個自己未去過既新景點

第一日行程去左
首爾大公園睇玫瑰展覽
原來本地人都未必個個會去
會去既可能係細個個陣..或者到大家已經有小朋友
或者都唔會去呢個首爾大公園
只會去樂天世界
但我自己就未去過..........
見到韓國人影相影得好有意境
自己一舉起手提......影成咁都還可以吧

第二日去左近來好HIT既地方叫益善洞
以為只有韓屋跟小店...
估唔到原來有好多間CAFE
仲要係精緻COFFEE SHOP
很後悔沒放多點時間係呢度...
下一次要再來享受一下

第三日去左個洞
因為睇FACEBOOK呢個地方好似好特別之下就去左
原來要有點兒體力仲要著多件衫
入面真係好凍...
之後就去左個重點地方
其實本來並不是重點
但去完就覺得並無後悔坐個幾鐘頭車來
充滿相機
充滿大家既願望既COFFEE SHOP
老闆係有心機去經營呢個地方
會收集大家既夢想
會收集大家既回憶
令到我想去多次都感覺良好既地方
問自己
曾經寫下的願望有多少能夠實行了
已經不敢想像距離有多遠
開一間有意思既COFFEE SHOP
其實已經係一個夢想吧?
呢間CAFE 就係自小既夢想CAFE
仲要開係一個咁舒服既地方...
真係好鍾意佢

最後又跟當年的戰友聚舊
從佢身上可以知道咩叫知足常樂
不要追求太多
佢話點解仲想繼續係韓國生活
無人無物無真正一份工作
但就活得坦言
係我地眼中我地會話佢無上進心
但自己又想
太有上進心又如何
而家不上不下的 KICK住係呢個生活圈子入面
活得不夠坦蕩蕩那又如何呢?

跟她說自己離開後像老了很多
佢就話應該搵個小鮮肉拍下拖
再唔係追下星..小鮮肉星
咁樣有寄託又向年輕人發展心境就會變得年輕
那樣貌就會年輕很多了......

她說的想我留係韓國生活........
那就好了...........
ummmmm....離開香港就夠了......

心情起伏不定時變化

兩三個星期原來可以變化好大上個星期想出一編心情煩燥感覺被人蝦既感覺過幾日自己再調整返又忙左幾日又過得算不錯...還是算吧

仲浪費左朋友既口水幫我去爭取一個機會還是乖乖地繼續努力聽老人家意見繼續努力 不要再飄浮不定了

睇完每年一度既五月天上年就因為後來的我們而感到傷感

今年聽完我不願讓你一個人之後就咁...
感覺好似阿信對住我唱咁

我不願讓你一個人一個人在人海浮沉我不願你獨自走過風雨的時分我不願讓你一個人 承受這世界的殘忍我不願眼淚陪你到永恆

但自己還是浮沉當中...
承受不同既變化
未去到殘忍
但就去到不安程度
煩惱其實有點渺少
但總令人心情煩燥

跟住去到轉眼

有沒有人 在某個地方
等我回到 當初的模樣
雙頰曾光滑 夜色曾沁涼
世界曾瘋狂 愛情曾錠放

有沒有人 依偎我身旁
聽我傾訴 餘生的漫長
在你的眼中 我似乎健忘
因為我腦海 已有最難忘 最難遺忘

最深體會係咩....雙頰曾光滑
雙頰曾瘦過...要回復當年咁真係好難...

仲有最中聽完不停諗既一句

我不怕死忙 只害怕遺忘
回憶是你我 生存的地方

我曾經都怕被人忘記......
應該有個地方保存大家既記憶吧?

亂到一個點
就如我D衫咁.....
應該由衫開始整理
然後到我自己的思想
再繼續就是自己心態繼續要調整..調整到不要那麼急.....

做好個HEADSTAND為目標吧?

可以有幾累...

今年變動可以有幾大...

完全想像唔到..

由Senior Accountant 走到Accountant 走

直到呢幾日連隔離TEAM既AA都走..

Last day 仲要係埋數日子

岩岩個埋數日由凌晨一點到十點再到凌晨三點又到八九點.....再多一日既十點

連續打破左出來做咁耐野既紀錄

慣常做完野就走..慣常準時走

而家..真係一次過還晒.....

其實....唔介意人走.....

介意既係

今日個奸豬豬借住個勢想我做埋隔離TEAM既野

仲要同我講而家OFFICIALLY同我講個AA走...

自己要保護自己當然要講乜都唔知

要不然乜都推晒俾我做..

世途險惡要自發性地保護自己

唔可以乜都話好呀好呀無問題..

咁樣只會做死自己

其實都係打份工姐

點解要不停咁樣做晒防範呢?

而家要學識見人講人話 見鬼講鬼話

到最後究竟自己會變成點?

自己想要既究竟會唔會實現

或者自己還可以承受多少?

當後來的我們出左眼淚未乾版

更加覺得自己不應再這樣生活

繼續無營養對話中..

再黑挨過了就行了...

要慢慢喜歡自己

繼幾分之幾之後
又係YOU TUBE 突然聽到呢首歌
其實係903個度都有聽過
但就未細膩過
莫文蔚唔係自己既favorite
間中都係聽返忽然之間 或者唱K 唱佢

但呢一首呢..
感覺舒服
可能不停聽住慢慢的慢慢的
其實自己都好需要慢慢的生活慢慢的做任何事慢慢的感受所有

近來失魂魚上身太嚴重
今日買完野...就漏左張EPS 係鋪頭..仲要返到屋企先發現
我都唔知點解會變成咁

上星期同事接二連三咁辭職
應該接一連二
唔知會唔會有第三.........
唉........失落囉
都想佢地好..但自己就有D失落囉
其實我唔想返工有太大起伏
其實我唔係唔想做
但因為交既時間都係同一時間
叫人點做喎..

當自己仲未將DAY+1 DAY-1就出現咁多起伏
我係咪帶錯野攝錯太歲呢?
上天近排鍾意我多點挑戰
覺得我個人太悶......
我想要其它挑戰並唔係呢D呀..................唉

隻腳......................................
應該唔洗洗咁多錢既........................

我的幾分之幾

中毒咁 LOOP聽呢首歌

那一天你走進了我的生命
謝謝你成為了我的幾分之幾
閉上眼睛也能看見你
晴朗的南方
就算犯錯 你拿歲月等我
就算停留 還有你和夜空
我算什麼 讓你無條件的為我
那一天你走進了我的生命
謝謝你成為了我的幾分之幾
如果我又更完整一點 也是因為你
某一天你離開了我的生命
謝謝你曾經是我的幾分之幾
感覺你貼著我胸口呼吸
在那一個回不去的天明
我的幾分之幾
你終於還是離開我的生命
留下每天都在變老的我
請記得我曾經愛過


我的蛙像表達自己的心情似的
想發呆什麼也不用想
知道自己不能沉迷於網上聊天
DELETE後又想再玩
繼續天馬行空的亂說話
應該要從新調整自己既心態

要從新選擇自己鍾意既興趣了..

厭惡心情

我唔明
我只係唔鍾意答係定唔係 鍾意唔鍾意食或者唔食
我只係skip 左yes or no 直接答個complete sentence 好奇怪咩？

同埋我都唔明點解咁大個仲要幫人改花名
只不過係我想買湯包時無講到明乾定濕就俾人改左個名叫湯包
佢地鍾意角落生物 就將大家代入左佢地每一個角色我又多左個名叫豬扒
仲細咩？
近來仲要keep 住講另一個同事既壞話
應該係講人壞話太多
所以而家做所有野都mean晒

好厭惡keep rolling 咁講一個人既是非
將由認識開始到而家所記得既衰野講出來
究竟可以講得幾多
講完真係會覺得開心咩？

近排的確情緒易被挑釁

經歷了既夢幻又甜蜜既感覺

聽朋友講
朋友用APPS 識人搵到段好情緣
所以自己都膽粗粗走去試
好似細個咁玩ICQ個種感覺
中間其實都試過其他APPS但玩了一下就覺算吧啦~

今次既經歷就識左個外國人
話自己係ARCHITECT 嘩......
個樣都唔差.......嘩
自己已經係度諗有咩可能需要用APPS去認識朋友呢??

佢話自己來香港攪個PROJECT
岩岩同我傾計個日就返左英國
然後諗住攪掂D文件再返來香港再做生意..

好..繼續聽

從中大家SHARE 聽既歌講下大家既野
原來講講下都差唔多一個月
中間就越講越甜蜜
自己都開始心動繼而配合

雖然佢既MORNING MESSAGE 似係GOOGLE SEARCH 既MORNING SWEET MESSAGE
但當你一起身一睇總會令人心花怒放
係一個甜蜜既開始
丫..........前度開頭都係咁做的......
自己都太容易心花怒放吧?
最令人心花怒放既係....用一個以認真交往既前提去搵自己既伴侶
我諗好多女仔一聽都會又放低一條防線.......
當自己太過期待一段新既戀情
總會希望下一段又穩定又開心甜蜜

本來話要來香港了..卻不停的延遲了
最好笑既係前日話會唱一個SURPRISE既B DAY SONG俾我...
但就俾左一個令我好SHOCKED既MESSAGE我..
話自己既三年前係土耳其既PROJECT 棟大廈COLLAPSE 左.....
YEAH...我當然係呆左啦.....
之後就話會要飛去土耳其處理文件然後就話今日就要飛過去
如果發現係佢自己既問題 計錯數而令到棟大廈倒塌既話
佢就要負責所有既責任同有機會坐監.....
當然自己會諗究竟係真定假....亦都唔會即時話佢假
就以平常對話要支持佢叫佢冷靜再檢查一步一步去解決........

呢個故事會唔會就咁完呢......
可能過幾日佢就會同我講需要筆錢去請律師
去做賠償之類既野.......

然後我既甜蜜就完左.......
得著係佢SHARE出來既書, 聽既歌都唔錯....電視劇就算吧啦....
尤其JOHN LEGEND 既ALL OF ME 同YOU & I...
最適合陰陰地天凍凍地聽..
聽完都會覺有點溫暖......

唉..今年既生日願望好好心地讓左俾佢..
上天可唔可以都體諒下我..
俾我真係搵到個人陪我繼續走之後既路呢?
應該要心存希望吧?
雖然有個位係預左自己獨自努力享受~
祝我今日生日快樂....