好心自己努力d 做野啦

 發夢夢見阿姐問點解做錯野

然後自己理所當然答我係咁架啦

根住自己個心抽咗一下

因為夢見阿姐真係嬲咗咁

仲要大家達成共識我會搵工走

上星期的確發生好多事

但老細阿姐又唔講d 咩

又唔會鬧咁

一出事真係可能好似夢入面咁

又唔夠一年走人😅

都係專心做野好🙃

條路仲好慢長

想一下開心的事

 近排總因為小事總令到自己心情煩躁

有日朋友突然話我知佢家人幫佢由某個免費渠道買到演唱會飛

然後我就覺得點解都唔分享呢個渠道呢？

明明自己之前都有分享資訊俾佢

但佢竟然唔分享俾我聽

然後我就嬲到第日

嬲到見到佢都唔想點出聲

點知佢覺得我係因為情緒問題而影響心情

然後PT 都不停講做運動可以令自己心情好d  抑鬱都會好返

然之後返到屋企臨瞓同老公講

自己嬲咗個朋友但佢唔知我嬲咗佢

老公根住就笑咗

其實係小事

雖然又未去到勁想睇

但心入面就係覺得點解朋友都唔會諗下我既感受

行完山食好野

食咗個手兩倍既疏乎厘

口感無上一次白布街食既疏乎厘咁有口感

但呢個空氣感就比較大

另一樣令心情差係最好朋友總係講去旅行

其實佢無問我去唔去

但去完又會話我又唔去

然後又會係postcard 上寫下次一齊去邊邊邊

到我提議問佢去唔去又話唔一齊

令我有感點解要繼續同我講旅行野呢

好厭惡

不過應該自己心情真的不好

所以任何人係我耳邊所講既野都會令我有煩躁感

如阿卡西master 講

就算朋友令你幾唔開心都好

總要繼續聯絡

因為你需要朋友 朋友都會需要你

睇緣份 定睇個心？

 因為女人病明明眼瞓都眼光光諗下野

因為睇完人哋YouTube 想同阿媽去大阪諗住嗌埋堂妹個d 去

點知佢哋決定去峇里 可惜阿媽曾經去過覺得無野玩 所以佢都揀去日本玩

然後堂妹就話咁有緣先再約過

的確堂細佬六月離開香港 咁再一家人齊齊整整都難

但好多都唔係睇有緣而係睇有冇心姐⋯

同埋都係既 今日唔知聽日事⋯會唔會一齊玩都真係要睇緣份

而唔係有無心去維繫

開心食咗個好味疏乎厘

唔開心聽到個朋友係年頭經歷過癌症呢種痛楚

身邊已經第三個

幸好佢得到朋友的愛護慢慢健康好起來

做女人真係好煩 又要年年檢查

照到高危又要令自己更加健康

原來自己又快到另一個年齡組別

上星期跟好耐無見既朋友傾開

要開始食多d 藍莓啦 唔好食咁多有激素既野啦

原來成日諗自己都唔係好老姐

但時間總令人慢慢老起來

我可唔可以快d 財務自由？！

痴人的貓 懷疑你係水瓶座 古靈精怪

平凡有平凡既好

朋友可以揀 傾唔埋可以唔聯絡

男朋友可以揀 唔鍾意可以選擇離開 永世都可以唔見

咁屋企人其實可唔可以揀

揀d 唔自私既 會諗大局 唔會亂洗錢 唔會賭 唔會妒忌人好過佢既 唔會騷擾人

我都係諗下 做人邊會咁完美

做人總會有缺陷 

做得一家人應該有因先會係埋一齊

老公見我咁難受就問 其實我根本可以乜都唔理

只係替老人家感到傷心 老了也得獨力解決問題

只剩得生果金都被人虎視眈眈，是前世欠下的因，造成今日既果？

睇睇下真係做狗好過做人

雖然lucky 自己都無乜安全感

突然諗起當年睇塔羅話我管太多了

新工很好 養懶了我

同事很好

總有奇怪同事

以為人少少唔會有奇怪事

但原來依然都會有怪人

近來想賺多點的想法太多了

羨慕家人有能力飛得遠遠的

希望佢飛遠咗就會明白生活並不易

有家了就會想珍惜一切

輕鬆一下還是不夠

 已經三年無去旅行

睇人哋YouTube 掛住當時飛西班牙

印象並無太深刻但就是想離開香港鬆一口氣

跟朋友輕鬆地去划獨木舟去了綠蛋島

發現由家裡去相思灣比起去相思灣划去綠蛋島還要長

長途車真的要命

但穿上救生衣在綠蛋島飄浮還是有點輕鬆

可惜因為沒有停止的划艇

返到屋企雙臂就變得不是我的

膊頭的重擔比起做gym 還重 原來輕鬆完還是要還

近來總是有點忙 

是不知為什麼變忙了

又轉新環境

 終於離開咗呢間CLS 公司

說實在真係唔捨得班同事仔

但做落太辛苦咪搵過第二間公司囉

開頭既期望 已經消失

還是踏實一點

今次轉工

除咗早起身令我擔心外

自己無一種返新工感覺

可能因為interview 用zoom? 公司都未去過就要返新工lu

希望今次可以平平安安咁過吧🙏🏻

今次不會再被人覺得還未習慣就離開

因為應該會習慣

今日再次去食朋友介紹既泰菜

朋友們都欣賞既咖哩牛肉麵，蟹肉炒飯

今次亦都食咗兩個甜品香蕉pancake +班蘭雪糕同街頭椰子雪糕

香蕉pancake 個皮有微脆而班蘭雪糕有輕微班蘭味牛奶味偏重，但當pancake 皮吸收咗雪糕精粹反而覺得更加好味

而椰子雪糕既配搭有粟米同花生，今次雪糕反而認真地有椰子味無比牛奶蓋咗，而粟米既口感令到呢個雪糕變得特別咗，如果唔係m到會成杯食晒囉🥲

去開上環又想食泰菜真係要試Samsen 排隊既餐廳😋

CLS 公司

比老公早過我瞓

比佢D鼻鼾聲嘈到瞓唔到🥲

諗起尋日比個新加坡bitch激到癲咗

最好笑係我同阿姐先後都問呢條友咩人

係咪我哋香港呢面自己請

原來都係最大條粉腸請

做咗咁多年嘢都知道新加坡人難攪

又麻煩又以為自己好撚叻

今次呢個坡bitch簡直完全做到bitch 既靈魂

同事話佢開zoom 開會講親佢唔鍾意既野都會反眼

一個會反咗幾次眼 大家都係manager grading 都唔識得尊重同事

幾叻都無用啦

未夠一個月已經得罪晒所有人

另一個坡人就急功近利

推咗個system 出來但求月尾go live 明明一堆垃圾都叫人test 

拎credit 就識 解決問題一d 都做唔到

淨係識催催催

我都唔知入咗d咩CLS 公司

不停expand 不停請d仆街返來

好癲

真係要快d 走

話我心急都好

呢間公司唔值得留低太耐