12月28 聖誕就咁過左

其實12月對之前香港既我來講真係好開心
BONUS又有放假又有同班朋友小小地慶祝又有
好掛住香港既日子呀
不過又唔可以話自己唔開心
雖然掛住阿媽亦都知阿媽好悶同掛住我
但同個傻佬平平安安咁渡過都唔錯丫
雖然唔會有任何驚喜
但佢唔會想你唔開心咁過
係咁問我想做咩咁
因為自己都唔知想去邊
唯有做返平時自己做既睇下戲周圍行下咁
唔可以話韓國無聖誕氣氛
只係身邊少左一大堆朋友同你BBQ下交換禮物下
所以氣氛由自己身上面消失左D

不過算啦
臨急臨忙都可以即日買到STAR WARS 7既飛
雖然無睇之前個幾集
仲要係呢兩日入面就睇返2 3 集
根住就去左好多人既清溪川
因為燈飾多到似尖咀關係所以都好多人
不過多極都的確唔夠香港多
如果係香港我應該要行三四個鐘先走到
根住再行返去市廳附近
個度因為冬天開左個溜冰場
韓國真係地大做咩都得
跟住最攪笑見到有架車仔俾小朋友玩既海盜船
真係好攪笑
點解可以有架流動海盜船架？